فى مكان بعيد
ضلمة بلون قلوب البشر
لوحدى وزحمة فى وسط المطر
مشيت بقلبى ودوقت الخطر
يمكن الاقى امان جوايا
يصلح كل ما فيا انكسر
من بعيد نور شدنى
وردة قالتلى بتحبنى
نسمة رقيقة يتودها
وندى صافى بلون خدها
قالتلى سنين وانا بستنى
قلب ياخدنى للجنه
منايا قبل ميقطعنى
احكيله اشكى ويسمعنى
الندى دة اصله دموعى
والشوك دة جرح بيوجعنى
والدنيا اتخليت وسابتنى
ولا رضيت حتى تموتنى
ولا حتى لحضنى ترجعنى
خليكى معايا واسينى
انا كل منايا الاقينى
بموت وانتى قصاد عينى
قلبك بالحب يودعنى
وفى لحظة لقيتها فى ايديا
والكون دة فاضى حوليا
واهو كله بيكدب فى الدنيا
حتى انتى كدبتى يا عنيا
من امتى كانت دى عايشة
ولا كانت حمل لأسية
ولا كانت تستحمل تبكى
فى عيونها الفرحة ومش ليا
حتى انتى كدبتى يا عنيا
ياريتنا لما نتألــــــــم
بنتعلم من الـــــــدنيا
ده كل مقلب يجرحنا
بتدبحنا قلوب تانيـــه
من امتى كــــــانت احلامنــا
بنعيشها حقيقه مش خاينــه
ولا حتى طريق راســـمينــه
وخطوطه لينا كــــانت باينــه
من امتى الفرحه فى قلوبنا
بتـــــــدوم .....حتى لو ثانيـه
ياريت الدمع كان يقسى
ده كان ينسى الجراح فيا
لو يقـــــدر.... يقــدَر يوم
كـــــان تصعب عليه عنيا
وكل ما قول اكيد بكره
هيتغير .....بخــــــير ليا
بكره ده يجي بعذابــه
بحزن .ودمع .وقسيـه
كل مقول خلاص هنسى
خلاص بالحزن مكفيـــــه
كل محس بالفـــــــــرحه
يموت احساسى ده فيا
مش عايزة الـدنيا دى جنه
مش عايزة حيـــاتى ورديه
ولا يبقى الكون ده ملايكه
انا بـــــــــرده يعنى انسيه
انا بـــــــس نفسى بتمنى
اعيش فى دنيا ...مش ديا
No comments:
Post a Comment