اتعميـــت مبقتش شــايفه
اكتر من اللى انا شــايفاه
واللى انا شايفاه ده ضلمه
والضريــــر فيها الحيـــاه
والحيــــاه لـــو هيا قــسمه
وفي نصـــــيب انا عايشاه
فين إرادتـــى ان قولت لأه
ولا فى مـــــره قــــولت اه
فين انـــا وفين كيــــــــاني
والكـــون المخلوق عشانى
تــــايهه فيه ومش لاقيـــاه
مش بـــعيد تكون ســـذاجه
انى فاكره بــــإيدي حـــاجه
وان بكره انـــــا عــارفــاه
لأ ده كــــل يـــــــوم يعدي
فـــى اللى يـاخد واللى يدي
الا عمـــري اللــى انــتـهى
مش غريبه نكون بنضحك
ولا دي حـــــاجه عـــــاديه
مين ده عــارف فينا يسلك
فى الـــدنيا الغـــريبه ديــــا
الشاطر على نفسه يضحك
وانـــــــا هـــوهم نفسي بيـا
زي بعضه لـــــــو هصدق
انــــى راحتي بين ايـــديـــا
وانـــى لو حــــاولت هنجح
وان عــــيشتى دي هــنيـــه
وان كــــلمه يـــأس فـــاشله
ومفيش فـــــايده دي غـــبيه
هيا يعنى الفـــرحه تكـــــره
تــبقى فـــــيكم ولا فــيـــــــا
لـــو صحيح مبقتش شـايفه
طــــب ورونى حاجه تانيه
تثبت انــــى لسه عـــــايشه
وانـــي بـجـــد حـــقيقي حيه
مــش مظلــومه بس عارفه
ان العـــــيب ده يبقى فـيــــا
لـــو بجــد.. بجــد راضيــه
كــونت رضيت بحياتى ديا
1 comment:
جامده جدا
Post a Comment